عادي

بلادي ابلادي

01:07 صباحا
قراءة دقيقة واحدة
علي الشوين

علي الشوين
قالوا الامارات قلت ابلادي ابلادي

كل ماطروها بينبض بسمها افوادي

مدن انا في حبها بالفعل مدن

في حبها ها يم انا من يوم ميلادي

ان قلت عادي غلاها اقول لا والله

انا اشهد انه غلا مول هب عادي

لوتشوف مجرا غلاها وين هو يجري

وسط الشرايين يجري وباجي اجسادي

بلادي الامارات هي نبع الغلا كله

ماغيرها دار قولوا عاشت ابلادي

وفي عيدها اليوم يينا نبتهج نفرح

ياالله عساها ايامها كلها عيادي

وانا لجلها بغني اليوم معزوفه

معزوفه ابيات من منضومة انشادي

خمسين عام ودولتي في هنا وسعود

وكل يوم فيها الرخا والخير يزدادي

هذي الامارات دار العز والهيبه

دار المكارم ومنبع ناس ايوادي

الله كرمنا بقاده لي بهم نفخر

شيوخ هل الطولات هم ذخر وسنادي

الله يعز ابلادنا ويعز قادنتا

ويعز شعب لي داره مد لايادي

وانا بهذا اليوم بطير مالفرحه

ماعرف كيف اقول وخط لمدادي

صب اقهوه يامغم صافي الدله

ابغي اخوز صوع راسي بلقنادي

بميل اعقالي وبرزف علي الشله

ورزف طرب يوم توه الحفل بادي

وبعيش فرحت وطن مابين جمهوري

يلي لفا للحفل عاني وقصادي

ورتاح انا لي سمعت الصوت يتردد

عاشت الامارات عاشت عاشت ابلادي

انش واقف وقبل رملها الطاهر

ون بد لازم اموت بشها عادي

كل شي لجل الوطن بيهون نرخصبه

ياموطن الخير عيش بجوك الهادي

وان قلت ياشعب والله ابشر بسعدك

كلنا جنودك اللي من صاح لمنادي

لاستلام اشعارات وعروض من صحيفة "الخليج"