يا سحابه أمطرت خير كثير
كملت خمسين عام ممطره
يودها همال بالودق الغزير
نعمة المابود يلي مسخره
أمطرت واليوم ديرتنا فخير
الرخا فيها وصارت مبهره
جوها ينفح بعد فل وعبير
جوها يالله شوفوا مخيره
والإمارة الباسمه ذا اليوم غير
من ليادي البيض صارت عامره
من سحب سلطان لي يوده غفير
شوف خيره عوطنا مكثره
خيره الضافي عبلاده وفير
وين ما تنهي عيونك تنظره
من حدود الخور لي فيوي الزبير
والمغاني كلها مستبشره
وعلي الحيره مر والساير يسير
وع لمريجه والسفينه مبحره
ولايزال اليوم يعطينا الكثير
كيف نوفيله ونقدر نشكره
شيخنا سلطان والقدر الكبير
في قلوب الشعب قدره مكبره
ياسحابه أمطرت خير كثير
كملت خمسين عام ممطره
