رف يابيرق علمنا فوق رف
رف في شامخ سماك ولانهون
كلنا نوقف عشانك صف صف
الولاء ثم الولاء وانته تمون
التحيه ندي وسلام قف
وكل شعبك بالتحايا يوقفون
وشعبك الوافي قسم والله حلف
تفتديك ارواح والكاين يكون
وكل مالونك علي لعيون لف
كل روح أتفز لك قبل العيون
كم شعب ياعلم بسمك هتف
عاشت ابلادي بصوت ايرددون
كم كف وكم كف وكم كف
لجلك انته بالكفوف فيصفقون
ياعلم دوله فخر لي تنوصف
ماوصلوها بالوصف لو يوصفون
البلد يلي بها الكل اعترف
كل هالعالم بسمها يهتفون
بعد ماكنا بيوت من سعف
استوى لي ماتوقعته يكون
زانت ابلادي عقب وقت خطف
والرخا ياها مثل ويل المزون
وقتنا الحاضر عن الماضي اختلف
وصارت ابلادي تناظرها العيون
الهدف واضح وحققنا الهدف
واصبحت دوله بها يتواصفون
