تَعدت الشاطي وغابت في الامواج
تبحث على لولو طبيعي وفاخر
يزهى نحر من هو يحب التغناج
والعود الازرق لا احترق في المباخر
مايشبه اّلا ريحه العذب لا فاج
واليوم ينظر لي بنظور ساخر
كنه يريد يسبب لقلبي احراج
ياللي بدا وصلك معاي يتباَخر
لاترتجي من صاحبك ضحكة حجاج
سوس الهجر في عظم الاشواق ناِخر
والحزن في روض المحبين دَّواج
من التغطرس والكبر والتفاخر
ما جبت لجروحي من فراقك علاج
على كثر ما كنت يا زين ذاخر
في مملكة قلبي لك العرش والتاج
من قلب بالشيمه وبالعزم زاخر
أقفيت وأنا عالي مثل الابراج
والله لو اّنك أول أنسان وآِخر
انسان ما احتاجك ولو كنت محتاج
"فزاع"
