نشر سموّ الشيخ حمدان بن محمد بن راشد آل مكتوم، ولي عهد دبي، عبر «إنستغرام»، رائعة شعرية جديدة بعنوان «أبشرك» جاء فيها:
أبشّرك بشرى تسر الناظرين
إنك حبيبي والعواذل خَلّهم
ما أقول تسوى من عيوني الاثنتين
وحده لكن تسوى عيوني كلّهم
أوامرك تمشي وحنّا حاظرين
لولاك حمدان وقصيده من لهم
لكن دخيل رموش عينك يالحَسين
من فوق خدّك يوم طاحت شِلّهم
أنا لا شفت رموشك أحس بْحنين
ودّي من الشمس أستظل ف ظلّهم
أنا وقلبي والغلا.. متعاهدين
نخلّي أعدائك تموت بْذلّهم
دبي في فصل الشتاء للعاشقين
روعه لأكثرهم ولع.. وأقلّهم
الصورة
